Þjónustunámskeið 2018-09-13T11:04:05+00:00

Þjónustunámskeið

Fjáfesting til framtíðar

Ísland er þekkt fyrir að hlýjar móttökur og greiðvikni þar sem heimamenn hika ekki við að bjóða þeim sem eiga leið framhjá aðstoð sína og jafnvel heim í kaffi og með því. Ferðamenn koma til Íslands til að upplifa bæði náttúru og menningu landsins og því mikilvægt fyrir heildarupplifun þeirra að við tökum vel á móti þeim á gististöðum okkar.

Fjárfesting í þjálfun starfmanna er fjárfesting sem skilar sér. Rannsóknir hafa sýnt að rétt fræðsla og þjálfun eykur arðsemi og bættir gæðin þar sem góð þjálfun leiðir til minni rýrnunar, fjarveru starfsmanna, kvartanir og starfsmannveltu.

Við bjóðum upp á fjölbreytt námskeið sem aðstoða þig við að bæta þjónustugæðin. Hér fyrir neðan finnur þú nánari upplýsingar um þau námskeið sem við bjóðum upp á. Fjárfestu í hæfni starfsmanna þinna með þjónustunámskeiði okkar.

Athugaðu að margir starfsmenntasjóðir veita styrki til námskeiðahalds.

ATHUGAÐU AÐ VIÐ SÉRSNÍÐUM ÖLL NÁMSKEIÐ. ÞANNIG MUNU STARFSMENN FÁ ÞÁ ÞJÁLUN SEM HENTAR ÞEIM BEST!

Það er kominn gestur!

Námskeið fyrir móttökustarfsmenn

Markmið námskeiðsins er að kynna starfsfólki í gestamóttöku fyrir þeim alþjóðlegu stöðlum sem mikilvægt er að fara eftir þegar kemur að innritun, útritun og almennri umsjón gesta. Við aðstoðum móttökustarfsfólk við að öðlast aukið sjálfstraust í starfi, fá skýrari sýn á hvernig hægt er að veita framúrskarandi þjónustu, meðhöndla kvartanir og skilja mikilvægi þess að hlusta á þarfir viðskiptavinarins til að geta þjónustað hann á réttan hátt.

Kennsluformið er fjölbreytt og blanda leiðbeinendur saman ólíkum aðferðum til að tryggja að það gagnist þátttakendum sem best. Dæmi um kennsluaðferðir eru fyrirlestrar, umræður, verkefnavinna og hlutverkaleikir.

Lengd 8 tímar – skipt niður á tvo daga, fjóra tíma í senn

Margrét Pollý Hansen, hótelráðgjafi, mun fjalla um þá alþjóðlegu staðla sem mikilvægt er að fara eftir í þjónustu við gesti og gefur dæmi um fagmannlega vinnuhætti sem starfsfólkið getur nýtt sér í daglegum störfum. Hún mun hjálpa starfsfólki að finna það hjá sjálfum sér hvernig þeir geti veitt framúrskarandi þjónustu með bættu viðhorfi, fagmennsku og sjálfstrausti í starfi. Einnig er starfsfólkinu kennt hvernig hægt sé að eiga góð samskipti við erfiða viðskiptavini og hvað þarf að huga að varðandi mismunandi menningarheima.

Andrea Ösp Karlsdóttir, leikkona, mun fara yfir raddbeitingu og líkamstjáningu og sýna hvernig er hægt að hafa áhrif á upplifun gesta með betri hlustun, auknu sjálfsöryggi og jákvæðni.

Sönn íslensk gestrisni

Námskeið fyrir sumarstarfsfólk

Markmið námskeiðsins er að kynna nýju starfsfólki fyrir íslenskri gestrisni sem og þeim alþjóðlegu stöðlum sem mikilvægt er að fara eftir. Námskeiðið er hannað til að aðstoða nýtt starfsfólk við að öðlast aukið sjálfstraust í starfi og fá skýrari sýn á hvernig hægt er að veita framúrskarandi þjónustu. Að auki er lögð áhersla á mikilvægi þess að þekkja fyrirtækið og nærumhverfi hótelsins.

Námskeiðið hentar öllu starfsfólki hótelsins sem er hefja eða hefur nýhafið störf. Kennsluformið er fjölbreytt blanda af fyrirlestrum, umræðum og verkefnavinnu til að tryggja að það gagnist þátttakendum sem best.

Lengd 2 tímar

Margrét Pollý Hansen, hótelráðgjafi, mun nýta alþjóðlegu starfreynsluna sína og blanda henni við uppeldið í íslenskri sveit. Námskeiðið er byggt á nýliðanámskeiðum sem hún hefur kynnst hjá hótelkeðjum, og leggur hún mikla áherslu á það að allir starfsmenn, óháð þjóðerni, skilji af hverju það sé mikilvægt að ferðamennirnir fái að kynnast íslenskri menningu og gestrisni.

Við þrífumst á krefjandi verkefnum sem skapa stærri ávinning!

Ekki hika við að hafa samband.
HAFA SAMBAND